اوٹاوا پولیس شادی کی تقریب میں فائرنگ کر کے دو افراد کو ہلاک اور چھ کو زخمی کرنے والے حملہ آوروں کی تلاش کر رہی ہے۔
مقامی میڈیا کے مطابق پولیس نے شہر کے جنوبی سرے پر رات 10 بج کر 21 منٹ پر فائرنگ کی اطلاعات پر کارروائی کی۔
متاثرین اوٹاوا انٹرنیشنل ایئرپورٹ کے قریب ہنٹ کلب روڈ کے قریب گبرڈ ڈرائیو کے 2900 بلاک پر واقع انفینٹی کنونشن سینٹر میں ایک استقبالیہ تقریب میں شرکت کر رہے تھے۔
ہلاک ہونے والوں کی شناخت 26 سالہ سعید محمد علی اور 29 سالہ عبدالقادر کے طور پر ہوئی ہے جن کا تعلق ٹورنٹو سے ہے۔
اوٹاوا پولیس نے اتوار کی سہ پہر تک کوئی گرفتاری نہیں کی تھی اور نہ ہی کسی مشتبہ شخص کی تفصیلات موجود تھیں۔
بانڈ نے کہا یہ تشدد افسوسناک ہے، یہ ناقابل قبول ہے، یہ ہماری پوری کمیونٹی کے لیے پریشان کن ہے۔
بانڈ نے کہا کہ تحقیقات اپنے ابتدائی مراحل میں ہیں اور ابھی تک ایسی کوئی معلومات نہیں ہیں جس سے یہ پتہ چلے کہ آیا “کسی مخصوص کمیونٹی کو نشانہ بنایا گیا تھا۔
انہوں نے مزید کہا کہ پولیس کے پاس فی الحال ایسی کوئی معلومات نہیں ہیں جس سے یہ پتہ چلے کہ فائرنگ کو نفرت انگیز جرم کے طور پر تحقیقات کی جانی چاہئے۔
پولیس نے اتوار کی سہ پہر اپنی پریس ریلیز میں کہا، تمام تفتیشی زاویوں کا جائزہ لیا جا رہا ہے، اس مرحلے پر، اس بات کا کوئی اشارہ نہیں ہے کہ یہ نفرت پر مبنی فائرنگ تھی۔
اوٹاوا کے پیرامیڈک کے ترجمان مارک انٹونی ڈیشومپس کا کہنا ہے کہ زخمی ہونے والے چھ افراد کی حالت جان لیوا نہیں ہے۔
