بالی ووڈ کی مشہور اداکارہ دپیکا پڈوکون اور کترینہ کیف کے بارے میں قیاس آرائیاں کی جارہی ہیں کہ وہ میگا کاسٹ فلم ‘ٹائیگر ورسیز پٹھان’ میں شاہ رخ خان اور سلمان خان کے ساتھ شامل ہوں گی۔
دپیکا اس سے قبل شاہ رخ خان کے ساتھ بلاک بسٹر فلم “پٹھان” میں کام کرچکی ہیں جبکہ کترینہ کیف “ٹائیگر” سیریز میں سلمان خان کے ساتھ مرکزی کردار ادا کرچکی ہیں۔
بھارتی میڈیا کے مطابق ایکشن تھرلر فلم ‘ٹائیگر ورسیز پٹھان’ کی شوٹنگ ممکنہ طور پر اگلے سال 24 جنوری سے شروع ہوگی تاہم فلم کی ریلیز کی تاریخ کے حوالے سے تاحال کوئی اعلان نہیں کیا گیا۔
فلم ‘ٹائیگر ورسیز پٹھان’ نے اپنے اعلان کے فورا بعد ہی بالی ووڈ میں کافی ہلچل مچا دی ہے اور نام سے یہ قیاس آرائیاں کی جارہی ہیں کہ فلم میں پٹھان اور ٹائیگر کے کرداروں کے درمیان دشمنی کو دکھایا جائے گا۔
اس فلم کی ہدایتکاری سدھارتھ آنند کر رہے ہیں، جو اس سے قبل ‘پٹھان’ جیسی بلاک بسٹر فلمیں انڈسٹری کو دے چکے ہیں۔
