آسٹریلیا کے سابق فاسٹ بولر شان ٹیٹ نے نسیم شاہ کی تعریف کرتے ہوئے کہا ہے کہ وہ اتنی کم عمری میں اب تک کے بہترین فاسٹ بولر ہیں۔
اپنے کھیل کے دنوں میں خود ایک خوفناک شہرت رکھنے والے ٹیٹ نے پاکستان ٹیم کے فاسٹ بولنگ کوچ کی حیثیت سے اپنے دور میں 20 سالہ نسیم کے ساتھ قریبی طور پر کام کیا۔
40 سالہ شان ٹیٹ نے نسیم شاہ کی صلاحیتوں کو سراہتے ہوئے انہیں زبردست کھلاڑی قرار دیا۔
اس طرح کے دعوے کرنے میں دشواری کا اعتراف کرنے کے باوجود، ٹیٹ نے اعتماد کے ساتھ کہا کہ نسیم شاہ شاید اس عمر میں سب سے بہترین فاسٹ بولر ہیں۔
انہوں نے کہا کہ میں نے سوچا کہ وہ (نسیم شاہ) شاندار تھے، مجھے اس کے ساتھ کام کرنا پسند تھا، ٹیٹ نے ایک کرکٹ ویب سائٹ سے بات کرتے ہوئے کہا کہ مجھے لگتا ہے کہ اب 20 سال کی عمر میں وہ شاید بہترین ہیں اور یہ ایک بڑی بات ہے، لیکن میں یہ کہوں گا کہ وہ اس عمر میں اب تک کے بہترین فاسٹ بولر ہیں۔
شان ٹیٹ کے مطابق نسیم کے پاس قابل ذکر مہارت ہے، سابق آسٹریلوی فاسٹ بولر نسیم شاہ کی جانب سے دکھائی جانے والی پختگی اور مسابقت کی تعریف کرتے ہیں، وہ خوبیاں جو اکثر زیادہ تجربہ کار کھلاڑیوں کے ساتھ وابستہ ہوتی ہیں۔
انہوں نے مزید کہا کہ جہاں تک اس کی صلاحیت، اس کے دماغ، اس کی خواہشات اور اس کی مسابقت کی بات ہے، وہ تقریبا مکمل پیکیج ہے، وہ بہت اچھی رفتار سے گیند بازی کرتا ہے اور اچھے یارکر باؤلنگ کرتا ہے، مجھے لگتا ہے کہ وہ ایک شاندار کھلاڑی ہے.
