سربیا کے دارالحکومت بلغراد کے ایک پرائمری اسکول میں فائرنگ کے نتیجے میں کم از کم آٹھ طالب علم اور ایک سکیورٹی گارڈ ہلاک ہو گئے۔
ایک سرکاری بیان میں کہا گیا ہے کہ حملے میں مزید چھ طالب علم اور ایک ٹیچر زخمی ہوئے ہیں، جنہیں اسپتال لے جایا گیا ہے۔
پولیس نے ولادیسلاو ربنیکر اسکول پر حملے کے سلسلے میں ایک 14 سالہ لڑکے کو گرفتار کیا ہے۔
ملزم کے ہم جماعت کا کہنا ہے کہ وہ ہسٹری کی کلاس میں داخل ہوا، پہلے ٹیچر کو گولی ماری اور پھر اپنے ساتھی طالب علموں پر فائرنگ کردی۔
حکام کا کہنا ہے کہ مشتبہ شخص پر الزام ہے کہ اس نے اپنے والد کی بندوق استعمال کی تھی۔
