پاکستان اور سری لنکا کے درمیان دو ٹیسٹ میچوں کی سیریز کا مجوزہ شیڈول جاری کردیا گیا ہے۔
میڈیا رپورٹس کے مطابق پاکستان اور سری لنکا کے درمیان ٹیسٹ سیریز اتوار 16 جولائی سے شروع ہونے کا امکان ہے۔
یہ سیریز 2023-25 آئی سی سی ورلڈ ٹیسٹ چیمپیئن شپ کا حصہ ہوگی اور امکان ہے کہ یہ کولمبو اور گال میں ہوگی۔
رپورٹ میں مزید کہا گیا ہے کہ سری لنکا کرکٹ (ایس ایل سی) آئندہ چند روز میں سیریز کے حتمی شیڈول کا باضابطہ اعلان کرے گا۔
امکان ہے کہ پہلا ٹیسٹ 16 سے 20 جولائی تک کھیلا جائے گا جبکہ دوسرا ٹیسٹ 24 سے 28 جولائی تک کھیلا جائے گا۔
ٹیسٹ سیریز 30 جولائی سے 22 اگست 2023 تک شیڈول لنکا پریمیئر لیگ کے آغاز سے قبل مکمل کی جائے گی۔
