لاہور: معروف پاکستانی اداکارہ ثروت گیلانی نے مستقبل میں اپنی سیاسی جماعت بنانے کا عندیہ دے دیا۔
ایک نجی ٹی وی چینل سے گفتگو کرتے ہوئے لولی ووڈ اداکارہ نے اپنے کیریئر اور مستقبل کے منصوبوں کے بارے میں تفصیلی بات کی۔
انہوں نے کہا کہ کئی سیاسی جماعتوں نے پہلے ہی مجھے پیشکش کی ہے کیونکہ میں ہمیشہ پسماندہ طبقات کے لئے آواز اٹھاتی ہوں۔
انہوں نے مزید کہا کہ اس بات کا امکان ہے کہ میں مستقبل میں اپنی سیاسی جماعت بنا سکتی ہوں، ورسٹائل اداکار کا خیال تھا کہ ان کی سیاست میں تعلیم سب کے لئے مفت ہوگی۔
پاکستانی ڈراموں کے اسکرپٹ کے بارے میں بات کرتے ہوئے انہوں نے کہا کہ تمام 26 اقساط میں صرف ایک ہی مشن ہے کہ لڑکی سے شادی کون کرے گا۔
انہوں نے کہا کہ لڑکیوں پر تشدد اور بہنوئی کے ساتھ غیر شادی شدہ تعلقات ان دنوں ہمارے اسکرپٹ کے اہم موضوعات ہیں، ثروت گیلانی نے کہا کہ نوجوان کامیاب لوگوں کی کہانیاں دیکھنا چاہتے ہیں۔
انہوں نے کہا کہ میں نے انڈسٹری میں 20 سال تک کام کیا ہے لیکن اب میں ان دنوں ڈراموں سے گریز کر رہی ہوں۔
اداکارہ نے کہا کہ میں ایک مظلوم لڑکی کا کردار ادا نہیں کر سکتی کیونکہ میں ذاتی طور پر خواتین کے حقوق اور تعلیم پر یقین رکھتی ہوں۔
