حال ہی میں، اداکار نے سوشل میڈیا پر فلم کے سیٹ سے اپنی زخمی پیٹھ کی ایک تصویر پوسٹ کی۔
انسٹاگرام پر سلمان خان نے کندھے کی معمولی چوٹ کی تصویر شیئر کرتے ہوئے لکھا کہ ‘آپ کو لگتا ہے کہ آپ دنیا کا بوجھ اپنے کندھوں پر اٹھا رہے ہیں، وہ کہتے ہیں دنیا کو چھوٹو پانچ کلو کا ڈمبل اوٹھا کے دیکھاو۔ ٹائیگر زخمی ہے۔ #Tiger3۔
اس تصویر میں سلمان خان اپنی پیٹھ کیمرے کی طرف کرتے ہوئے بغیر شرٹ کے نظر آرہے ہیں۔
وہ اپنے بائیں کندھے اور آدھی پیٹھ کو ایک بڑے کینیسیولوجی ٹیپ میں ڈھانپ کر باہر کھڑے نظر آرہے ہیں، جس پر ‘ایکس’ کا نشان ہے۔
رواں سال کے اوائل میں سلمان خان نے سدھارتھ آنند کی فلم ‘پٹھان’ میں ٹائیگر کا کردار دوبارہ ادا کیا تھا۔
شاہ رخ ٹائیگر 3 میں پٹھان کے کردار میں کیمیو کردار ادا کریں گے، فلم کی ہدایتکاری منیش شرما نے کی ہے اور اس میں کترینہ کیف اور عمران ہاشمی شامل ہیں۔
سلمان خان پہلی بار کبیر خان کی فلم ‘ایک تھا ٹائیگر’ (2015) میں ٹائیگر کا کردار ادا کرتے نظر آئے تھے اور انہوں نے علی عباس ظفر کی فلم ‘ٹائیگر زندہ ہے’ (2017) میں ایک بار پھر ٹائیگر کا کردار ادا کیا تھا۔
پٹھان اور ٹائیگر فرنچائز کے ساتھ ساتھ ہریتھک روشن کی وار (2019) یش راج فلمز اسپائی یونیورس کا حصہ ہیں۔
