رحیم یار خان میں ایم فائیو موٹروے پر خوفناک حادثہ پیش آیا ہے، جس میں 8 افراد جاں بحق اور 10 سے زائد زخمی ہوگئے ہیں۔
پولیس کے مطابق ایک تیز رفتار مسافر کوچ پیچھے سے مسافر وین سے ٹکرا گئی۔
وین ٹائر پھٹ جانے کی وجہ سے بے حرکت تھی اور اس میں سوار افراد ٹائر تبدیل کرنے میں وین ڈرائیور کی مدد کر رہے تھے۔
تصادم کے نتیجے میں وین الٹ گئی، جبکہ کوچ وہاں پر موجود مسافروں سے ٹکرا گئی، جس سے جانی نقصان ہوا۔
