پی ایس ایل میں اپنی صلاحیتوں کا لوہا منوانے والے فاسٹ بولر زمان خان نے انگلش کاؤنٹی کرکٹ میں قدم رکھ دیا ہے، کیونکہ ڈربی شائر کاؤنٹی کرکٹ کلب نے انہیں رواں موسم گرما میں ٹی 20 ویٹلٹی بلاسٹ کے لیے ٹیم میں شامل کیا ہے۔
سب سے زیادہ 90 میل فی گھنٹہ کی رفتار کے ساتھ نوجوان فاسٹ بولر نے 49 ٹی 20 میچوں میں حصہ لیا ہے اور 23.35 کی اوسط سے 59 وکٹیں حاصل کی ہیں۔
انہوں نے رواں سال مارچ میں افغانستان کے خلاف بیرون ملک سیریز میں بھی بین الاقوامی ڈیبیو کیا تھا اور اب تک چھ ٹی ٹوئنٹی میچز کھیل چکے ہیں جبکہ 6.66 کے متاثر کن اکانومی ریٹ سے بولنگ کر چکے ہیں۔
ان کے پی ایس ایل کیریئر کا تعلق ہے تو دائیں ہاتھ کے بلے باز لاہور قلندرز کا حصہ رہے اور دونوں بار انہوں نے ٹرافی حاصل کی، مزید برآں، وہ لنکا پریمیئر لیگ کے تازہ ترین ایڈیشن میں فاتح اسکواڈ جافنا کنگز میں بھی شامل تھے۔
ڈربی شائر کی جانب سے جاری بیان میں کہا گیا ہے کہ خان مئی کے آخر سے قبل ٹیم میں شامل ہوجائیں گے۔
ڈربی شائر کے ہیڈ آف کرکٹ مکی آرتھر نے بھی باصلاحیت نوجوان فاسٹ بولر کی تعریف کی۔
مکی آرتھر نے کہا کہ زمان خان پاکستان کے ذہین ترین نوجوان فاسٹ بولرز میں سے ایک ہیں اور وہ دنیا بھر میں ٹی 20 کی کامیابی کا تجربہ ہمارے ڈریسنگ روم میں لاتے ہیں جس سے ہمیں اپنے اہداف تک پہنچنے میں مدد ملے گی۔
