سابق صدر جنرل (ر) پرویز مشرف کو دبئی میں انتقال کے 48 گھنٹے بعد منگل کو کراچی کے فوجی قبرستان میں سپرد خاک کر دیا گیا۔
سابق چیف آف آرمی اسٹاف کی نماز جنازہ ان کی تدفین سے قبل ملیر چھاؤنی کے پولو گراؤنڈ میں ادا کی گئی۔
نماز جنازہ میں سابق آرمی چیف جنرل (ر) قمر جاوید باجوہ اور جنرل (ر) اشفاق پرویز کیانی کے علاوہ جوائنٹ چیفس آف اسٹاف کمیٹی کے چیئرمین جنرل ساحر شمشاد نے شرکت کی۔
سابق صدر کی نماز جنازہ میں متحدہ قومی موومنٹ پاکستان (MQM-P) کے رہنمائوں بشمول خالد مقبول صدیقی، مصطفیٰ کمال، فاروق ستار، امیر مقام، امین الحق اور فیصل سبزواری نے بھی شرکت کی۔
