بالی ووڈ اداکارہ پرینیتی چوپڑا اور راگھو چڈھا کی شادی کی تقریبات 23 ستمبر سے شروع ہوں گی۔
بھارتی میڈیا کے مطابق اداکارہ چوپڑا اور عام آدمی پارٹی کے ایم ایل اے راگھو چڈھا 24 ستمبر کو راجستھان میں شادی کے بندھن میں بندھ جائیں گے۔
پرینیتی چوپڑا اور راگھو چڈھا کی منگنی 13 مئی کو نئی دہلی میں خاندان کے افراد، دوستوں اور مختلف شعبوں سے تعلق رکھنے والی اہم شخصیات کی موجودگی میں ہوئی تھی۔
پریانکا چوپڑا اور چڈھا کی شادی کی تقریبات 23 ستمبر کو ہلدی، مہندی اور لیڈیز سنگیت کے پروگرام کے ساتھ شروع ہوں گی۔
رپورٹس میں بتایا گیا ہے کہ شادی میں 50 وی وی آئی پیز سمیت 200 مہمانوں کو مدعو کیا گیا ہے، عام آدمی پارٹی کے سربراہ اروند کجریوال اور پنجاب کے وزیر اعلی بھگونت مان بھی شادی میں شرکت کریں گے۔
بھارتی میگا اسٹار پریانکا چوپڑا جو پرینیتی چوپڑا کی کزن ہیں، بھی شادی میں شرکت کریں گی، شادی کے بعد ہریانہ کے گروگرام میں بھی ایک پروگرام ہوگا۔
