لاہور: نیوزی لینڈ کی کرکٹ ٹیم پاکستان کے خلاف ٹی ٹونٹی اور ون ڈے سیریز کھیلنے کے لیے لاہور پہنچ گئی۔
نیوزی لینڈ کا ٹی ٹوئنٹی اسکواڈ دبئی سے لاہور پہنچا اور اسے علامہ اقبال انٹرنیشنل ایئرپورٹ لاہور سے سخت سیکیورٹی میں ان کے ہوٹل لایا گیا۔
مہمان ٹیم پاکستان کے خلاف پانچ ٹی ٹوئنٹی میچوں کی سیریز کھیلے گی۔
پہلا ٹی ٹوئنٹی میچ 14 اپریل کو لاہور، دوسرا 15 اپریل اور تیسرا 17 اپریل کو لاہور میں کھیلا جائے گا، سیریز کا چوتھا اور پانچواں میچ بالترتیب 20 اور 24 اپریل کو راولپنڈی میں کھیلا جائے گا۔
دونوں ٹیموں کے درمیان پانچ ون ڈے میچوں کی سیریز بھی کھیلی جائے گی، ون ڈے سیریز کا پہلا اور دوسرا میچ 27 اور 29 اپریل کو راولپنڈی میں کھیلا جائے گا جبکہ ون ڈے سیریز کا تیسرا، چوتھا اور پانچواں میچ بالترتیب 3، 5 اور 7 مئی کو کراچی میں کھیلا جائے گا۔
