حکومت نے ایل پی جی فی کلو 4 روپے 89 پیسے مہنگی کردی ہے، جس کے بعد فی کلو ایل پی جی کی نئی قیمت 233 روپے 88 پیسے ہوگئی ہے۔
ایل پی جی کی نئی قیمت سے متعلق اوگرا نے نوٹیفکیشن بھی جاری کر دیا جو فوری طور پر نافذالعمل ہوگیا ہے۔
اوگرا کے نوٹیفکیشن کے مطابق ایل پی جی کا گھریلو سلنڈر 57 روپے 70 پیسے مہنگا کر دیا گیا، جس کے بعد 11.8 کلو گرام کے ایل پی جی سلنڈر کی نئی قیمت 2759 روپے 89 پیسے مقرر ہوگئی۔
دو روز قبل وفاقی حکومت کی جانب سے پیٹرول کی قیمتیں برقرار رکھی گئی تھیں۔
