راولپنڈی: پاک فوج کے شعبہ تعلقات عامہ (آئی ایس پی آر) نے یوم دفاع کے موقع پر شہدا کو خراج عقیدت پیش کرنے کے لیے نیا گانا جاری کردیا۔
اس گانے کو معروف نغمہ نگار خلیل الرحمان قمر نے لکھا تھا، ‘قربان ہووے’ کو راحت فتح علی خان نے گایا تھا اور اس گانے کو اصل میں نوید نوشاد نے کمپوز کیا تھا، ویڈیو میں آرمی، ایئر فورس اور نیوی کے تمام شہدا کو زبردست خراج عقیدت پیش کیا گیا۔
یہ گانا ان ہزاروں شہیدوں کی عمدہ عکاسی کرتا ہے جنہوں نے اس مادر وطن کے لئے اپنی جانوں کا نذرانہ پیش کیا، اس سرزمین کی حفاظت کے لیے دھرتی کے بیٹوں نے اپنی جانوں کا نذرانہ پیش کیا اور ‘قربان ہووے’ کی ویڈیو نے اسے بہترین انداز میں دکھایا۔
