پاکستان کے مڈل آڑڈر بیٹسمین افتخار احمد نے نیوزی لینڈ کے ہاتھوں شکست پر افسوس کا اظہار کرتے ہوئے شائقین کرکٹ سے معافی مانگ لی۔
اپنے ایک بیان میں انہوں نے کہا کہ ہمیں میچ میں جیت کے ساتھ سیریز ختم کرنی چاہیئے تھی مگر مجھے افسوس ہے پاکستان نے ایسا نہیں کیا۔
تاہم انہوں نے مزید کہا کہ وہ کرکٹ سے لطف اندوز ہو رہے ہیں اور ون ڈے میں واپسی پر شکر گزار ہیں۔
اتوار کے روز افتخار احمد نے پاکستان کے 300 رنز کے ہدف کے تعاقب میں ٹھوس کوشش کی، لیکن وقفے وقفے کے بعد وکٹیں گرتی رہیں، جس کی وجہ سے میزبان ٹیم کے لیے فتح حاصل کرنا مشکل ہوگیا۔
دائیں ہاتھ کے مڈل آرڈر بلے باز 94 رنز بنا کر ناٹ آؤٹ رہے، جس میں آٹھ چوکے اور دو چوکے شامل تھے، لیکن ان کی یہ کوشش رائیگاں گئی اور کیویز نے پاکستان کو 252 رنز تک محدود کر دیا۔
میزبان ٹیم کے آغا سلمان بھی 57 رنز بنا کر نمایاں رہے، آغا سلمان اور افتخار نے 97 رنز کی شراکت قائم کی اور پاکستان کو تیزی سے وکٹوں کے نقصان پر ٹورنامنٹ میں واپس ٹاپ پر لے گئے۔
تاہم، تخت پر ان کی گرفت قلیل مدتی رہی کیونکہ کیویز کی تسلی بخش جیت نے سیریز میں مکمل وائٹ واش کی ان کی امیدوں پر پانی پھیر دیا اور انہیں چوٹی سے نیچے دھکیل دیا۔
اس وقت آسٹریلیا 113 پوائنٹس کے ساتھ پہلے نمبر پر ہے جبکہ بھارت 113 پوائنٹس کے ساتھ دوسرے نمبر پر ہے۔ پاکستان اب 112 پوائنٹس کے ساتھ تیسرے نمبر پر ہے۔
