سری لنکا روانگی سے قبل پاکستانی کھلاڑیوں کا کیمپ پیر سے نیشنل کرکٹ اکیڈمی لاہور میں شروع ہوگا، کیمپ 14 سے 16 اگست تک جاری رہے گا اور ٹیم 17 اگست کو ہمبنٹوٹا روانہ ہوگی۔
کیمپ میں عبداللہ شفیق، فہیم اشرف، محمد وسیم، سلمان علی آغا اور سعود شکیل شرکت کریں گے۔
حارث رؤف، محمد رضوان، طیب طاہر اور شاہین آفریدی 17 اگست کو روانگی کے لیے لاہور پہنچیں گے، سری لنکا پریمیئر لیگ میں حصہ لینے والے کھلاڑی ہمبنٹوٹا میں ٹیم کو جوائن کریں گے۔
پاکستان کرکٹ بورڈ نے کیمپ میں آٹھ اضافی کھلاڑیوں کو بھی مدعو کیا ہے۔ ان کھلاڑیوں میں عباس آفریدی، ابرار احمد، ارشد اقبال، محمد عمران جونیئر، محمد عمر، سفیان مقیم، مہران ممتاز اور قاسم اکرم شامل ہیں۔
