بینک منیجر کی مدعیت میں 87 لاکھ روپے سے زائد کی بینک ڈکیتی کی ایف آئی آر درج کر لی گئی ہے، پولیس نے معاملے کی تحقیقات شروع کردی ہیں۔
یہ واقعہ کراچی کے علاقے شادمان ٹاؤن میں پیش آیا جہاں 6 ڈاکو نجی بینک میں داخل ہوئے اور بینک کے سیکیورٹی گارڈ پر حملہ کیا اور سیکیورٹی گارڈ کا اسلحہ لے کر فرار ہونے میں کامیاب ہوگئے۔
ایف آئی آر ڈکیتی سے متعلق دفعہ کے تحت درج کی گئی تھی۔
اس میں کہا گیا ہے کہ ڈاکو دوپہر 2:50 بجے بینک میں داخل ہوئے اور ایک ملزم نے ڈپازٹ سلپ اٹھانے کے بعد اسلحہ نکال لیا۔ تین ڈاکوؤں نے محافظ کو یرغمال بنایا اور عملے کو اندر جانے کے لئے کہا۔
سینئر سپرنٹنڈنٹ پولیس (ایس ایس پی) جنید شیخ نے چار مسلح افراد کی ابتدائی رپورٹس کو مسترد کرتے ہوئے تصدیق کی کہ چھ ڈاکو تین موٹر سائیکلوں پر آئے اور سیکیورٹی گارڈ کی جانب سے زیادہ مزاحمت نہ کرنے پر 87 لاکھ روپے لے کر فرار ہوگئے۔
انہوں نے مزید کہا کہ اگر پولیس کو ضرورت محسوس ہوئی تو وہ تحقیقات کے دائرے کو بڑھانے کے لئے ملازمین کے ساتھ بھی تحقیقات کریں گے۔
تاہم نگراں وزیر داخلہ سندھ بریگیڈیئر (ر) حارث نواز کے ہمراہ پولیس کی بھاری نفری جائے وقوعہ پر پہنچ گئی اور علاقے میں پولیس گشت نہ ہونے پر حکام کو ہدایت کی۔
علاوہ ازیں وفاقی وزیر نے ایڈیشنل آئی جی کو ہدایت کی کہ وہ بینک کے سیکیورٹی گارڈ کی جانب سے کی جانے والی مزاحمت سے متعلق تفصیلات کے ساتھ واقعے کی رپورٹ پیش کریں۔
