پاکستان کے نگراں وزیر اعظم انوار الحق کاکڑ نے کہا ہے کہ سعودی عرب آئندہ دو سے پانچ سالوں میں پاکستان میں مختلف شعبوں میں 25 ارب ڈالر تک کی سرمایہ کاری کرے گا۔
جولائی میں بین الاقوامی مالیاتی فنڈ (آئی ایم ایف) کی جانب سے منظور کیے گئے 3 ارب ڈالر کے قرض پروگرام کے بعد جنوبی ایشیائی ملک نگراں حکومت کے تحت معاشی بحالی کی راہ پر گامزن ہے۔
انوار الحق کاکڑ نے اپنی سرکاری رہائش گاہ پر صحافیوں سے بات چیت کرتے ہوئے کہا کہ سعودی عرب کی سرمایہ کاری کان کنی، زراعت اور انفارمیشن ٹیکنالوجی کے شعبوں میں آئے گی اور یہ پاکستان میں براہ راست غیر ملکی سرمایہ کاری بڑھانے پر زور دینے کا ایک حصہ ہے۔
خبر رساں ادارے روئٹرز کی جانب سے سعودی عرب کی حکومت سے انوار الحق کاکڑ کے بیان پر تبصرہ کرنے کی درخواست پر فوری طور پر کوئی ردعمل سامنے نہیں آیا۔
اگر اس بات کی تصدیق ہو جاتی ہے کہ 25 ارب ڈالر کی سرمایہ کاری پاکستان میں سعودی عرب کی جانب سے اب تک کی سب سے بڑی سرمایہ کاری ہوگی۔
ریاض کا دیرینہ اتحادی پاکستان ادائیگیوں کے توازن کے بحران سے نبرد آزما ہے اور اسے رواں مالی سال میں اپنے تجارتی خسارے کو پورا کرنے اور اپنے بین الاقوامی قرضوں کی ادائیگی کے لیے اربوں ڈالر کے زرمبادلہ کی ضرورت ہے۔
کاکڑ نے ان منصوبوں کی وضاحت نہیں کی جن پر ریاض سرمایہ کاری کے لیے غور کر رہا ہے لیکن گزشتہ ماہ بیرک گولڈ کارپوریشن نے کہا تھا کہ وہ پاکستان کی ریکوڈک سونے اور تانبے کی کان میں اپنے شراکت داروں میں سے ایک کے طور پر سعودی عرب کے ویلتھ فنڈ کو لانے کے لیے تیار ہے۔
کاکڑ نے کہا کہ پاکستان میں معدنیات کے غیر استعمال شدہ ذخائر کی مالیت تقریبا 6 ٹریلین ڈالر ہے، جن کی حکومت نومبر میں ہونے والے قومی انتخابات کی نگرانی کے لئے عبوری سیٹ اپ بننے والی ہے لیکن توقع ہے کہ اس میں مہینوں کی تاخیر ہوگی۔
بیرک ریکوڈک کان کو دنیا کے سب سے بڑے غیر ترقی یافتہ تانبے اور سونے کے علاقوں میں سے ایک سمجھتے ہیں اور اس کے 50 فیصد حصص ہیں، باقی 50 فیصد پاکستان اور صوبہ بلوچستان کی حکومتوں کی ملکیت ہے۔
کاکڑ نے یہ بھی کہا کہ ان کی حکومت اگلے چھ ماہ میں بجلی کے شعبے کے سرکاری اداروں کے لیے نجکاری کے دو معاہدوں کو مکمل کرنے پر زور دے گی اور توانائی کے شعبے سے باہر ایک اور سرکاری ملکیت والے ادارے کی نجکاری پر بھی غور کرے گی۔
پاکستان کے سرکاری ادارے طویل عرصے سے تشویش کا باعث رہے ہیں اور مالی بحران میں اضافہ ہوا ہے، حال ہی میں پاکستان نے سرکاری ایئرلائنز کو ایک بار پھر نجکاری کی فہرست میں شامل کیا ہے۔
ملک میں نجکاری کا عمل بڑی حد تک تعطل کا شکار ہے کیونکہ سرکاری اثاثوں کی فروخت ایک سیاسی طور پر حساس مسئلہ ہے جس سے کئی منتخب حکومتیں دور رہی ہیں۔
