بورڈ آف کرکٹ ان انڈیا کے سکریٹری اور ایشین کرکٹ کونسل کے صدر جے شاہ نے لیجنڈری اداکار کو ورلڈ کپ کے میچز دیکھنے کے لیے گولڈن ٹکٹ پیش کیا۔
بی سی سی آئی نے سوشل میڈیا پر ایک بیان جاری کرتے ہوئے کہا کہ ‘بی سی سی آئی کے سکریٹری جے شاہ کو ‘سپر اسٹار آف دی ملینیم’ امیتابھ بچن کو ورلڈ کپ کا گولڈن ٹکٹ پیش کرنے کا اعزاز حاصل ہے۔
امیتابھ بچن نے انسٹاگرام پر لکھا کہ بی سی سی آئی اور جے شاہ کا شکریہ، بیان میں کہا گیا ہے کہ امیتابھ بچن کی ہندوستانی ٹیم کے لئے غیر متزلزل حمایت ہم سب کو متاثر کرتی ہے۔
واضح رہے کہ آئی سی سی ون ڈے ورلڈ کپ رواں سال اکتوبر میں بھارت میں کھیلا جائے گا، ایونٹ کا آغاز 5 اکتوبر سے دفاعی چیمپئن انگلینڈ اور فائنلسٹ نیوزی لینڈ کے درمیان احمد آباد میں ہوگا۔
بھارت ورلڈ کپ کا پہلا میچ 8 اکتوبر کو آسٹریلیا کے خلاف کھیلے گا جبکہ پاکستان اور بھارت کے درمیان میچ 14 اکتوبر کو نریندر مودی اسٹیڈیم میں شیڈول ہے۔
