حال ہی میں آئمہ بیگ اور ساحر علی بگا کی جانب سے تیار کیے گئے ایک اور گانے نے یوٹیوب پر دھوم مچادی ہے، مداحوں کی جانب سے گلوکاروں کی توانائی کی تعریف کی جارہی ہے۔
آئمہ بیگ اور ساحر علی بگا پاکستانی گلوکاروں کی فہرست میں سرفہرست ہیں جو ہمیشہ ہٹ گانے تیار کرتے ہیں، ان کے حیرت انگیز گانوں کو اچھی تشہیر اور ویوز ملتے ہیں۔
دوںوں کے کوک اسٹوڈیو کے گانے بازی اور مست ملنگ ریٹنگ اور ویوز چارٹ میں سب سے اوپر ہیں، حال ہی میں باصلاحیت گلوکاروں نے اپنے نئے گانے کی ویڈیو واشملے لانچ کی ہے۔
یہ ایک علاقائی گانا ہے، ویڈیو میں آئمہ بیگ انتہائی خوبصورت لگ رہی ہیں، انہوں نے خوبصورت مشرقی لباس پہنے ہوئے ہیں۔
معروف گلوکار بھی گانے کی دھنوں پر رقص کر رہے ہیں، ساحر علی بگا کی جانب سے اپنے آفیشل یوٹیوب چینل پر شیئر کیے گئے اس گانے نے دھوم مچادی ہے۔
ساحر علی بگا اور آئمہ بیگ کے مداحوں کی جانب سے اس گانے کو بے حد پسند اور سراہا جا رہا ہے، گانے کی ویڈیو عدنان قاضی نے ڈائریکٹ کی ہے۔
