محکمہ موسمیات نے کراچی میں مطلع ابر آلود رہنے کے باعث آئندہ چند روز کے دوران بارش کا امکان ظاہر کیا ہے۔
ڈائریکٹر پی ایم ڈی سردار سرفراز کا کہنا ہے کہ جنوری 2023 میں دو ہفتوں تک شہر میں بارش کا امکان نہیں ہے تاہم آج سندھ کے بالائی علاقوں میں مطلع جزوی طور پر ابر آلود رہنے اور ہلکی بارش اور بوندا باندی کا امکان ہے۔
محکمہ موسمیات کے عہدیدار نے مزید کہا کہ دن کے وقت سمندری ہوائیں چلیں گی۔ انہوں نے کہا کہ آئندہ 24 گھنٹوں کے دوران شہر میں موسم خشک اور سرد رہے گا۔
تازہ ترین پی ایم ڈی ایڈوائزری کے مطابق ، مغربی لہر کا ایک اتھلا گڑھا ملک کے مغربی حصوں کو متاثر کررہا ہے جس نے بدھ کی رات سے ملک کو اپنی لپیٹ میں لے لیا ہے۔
محکمہ موسمیات کے مطابق بالائی پنجاب، کشمیر اور گلگت بلتستان میں چند مقامات پر تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔
محکمہ موسمیات کا کہنا ہے کہ پنجاب، خیبر پختونخوا اور بالائی سندھ کے میدانی علاقوں میں دھند کم ہونے کا امکان ہے۔
