کراچی (ویب ڈیسک): کراچی کے اولڈ ایریا میں بھتہ خور پھر سرگرم ہوگئے اور دیدہ دلیری سے تاجروں کو بھتّے کی پرچیاں دینے لگے جبکہ بھتہ نہ دینے پر دکان پر بھتہ خوروں نے فائرنگ بھی کی۔دو روز قبل کھارادر میں بھتہ نہ دینے پر دکان پر بھتہ خوروں نے فائرنگ کی جس میں بچی سمیت دو افراد زخمی ہوئے تھے۔
وائرل ویڈیو میں دیکھا جاسکتاہےکہ موٹرسائیکل سوار دو ملزمان جھولے کی دکان پرآتے ہیں، ایک ملزم اترکر دکان پر بیٹھے شخص کو پرچی دیتا ہے اور موٹرسائیکل پربیٹھ کرملزم دکان پربیٹھے شخص پر فائرنگ کردیتا ہے۔
بھتہ خوروں کی فائرنگ سے دکان پر بیٹھا شخص اور بچی زخمی ہوجاتے ہیں، فائرنگ کے وقت بچے، خواتین اور دیگر افراد دکان کے پاس موجود تھے جبکہ ملزمان نے اپنے چہرے چھپائے ہوئے تھے۔
گزشتہ دنوں پولیس نے گینگ وار سے تعلق رکھنے والے بھتہ خور مقابلوں کے بعد گرفتار کیے تھے لیکن اس کے باوجود اولڈ سٹی ایریا میں بھتہ خوری کے واقعات کم نہیں ہورہے۔
