کراچی میں ریڈ بس رکشے سے ٹکرا گئی جس کے نتیجے میں ایک شخص جاں بحق اور 5 زخمی ہوگئے۔
نیو کراچی کے سلیم سینٹر میں پیش آنے والے واقعے کے بعد بس ڈرائیور فرار ہوگیا، حادثے کے نتیجے میں 6 زخمیوں کو اسپتال منتقل کیا گیا جن میں سے ایک زخموں کی تاب نہ لاتے ہوئے دم توڑ گیا اور اس کی شناخت دانش کے نام سے ہوئی۔
تاہم پولیس نے علاقے کو گھیرے میں لے لیا اور دونوں گاڑیوں کو تحویل میں لے لیا، ایف آئی آر زاہد نامی رکشہ ڈرائیور کی شکایت پر درج کی گئی تھی۔
اس سے قبل فروری میں بی آر ٹی گرین لائن کی ایک اور بس اسٹاپ کی گرل سے ٹکرا گئی تھی۔ اس واقعے میں کسی جانی نقصان کی اطلاع نہیں ہے۔
