اکتوبر میں پیٹرول اور ڈیزل کی قیمتوں میں بڑی کمی کے بعد وفاقی حکومت نے یکم نومبر کو ایک بار پھر تیل کی قیمتوں میں کمی کا فیصلہ کیا ہے۔
ذرائع کے مطابق پیٹرول کی قیمت میں 15 سے 20 روپے جبکہ ڈیزل کی قیمت میں 10 سے 16 روپے کمی کا امکان ہے۔
رپورٹ میں مزید کہا گیا ہے کہ بین الاقوامی مارکیٹ میں تیل کی قیمت میں کمی سے پاکستان میں صارفین کو ریلیف فراہم کرنے کے امکانات بڑھ گئے ہیں۔
آئل اینڈ گیس ریگولیٹری اتھارٹی نے تیل کی قیمتوں میں کمی کی سمری کا ابتدائی مسودہ تیار کرلیا۔ تاہم، حتمی تجویز کو مہینے کے آخری دن پیش کیے جانے کا امکان ہے۔
حکومت نے 16 اکتوبر کو تیل کی قیمتوں میں بڑی کمی کی تھی جس کے بعد پیٹرول کی قیمت 40 روپے کم کرکے 323.38 روپے سے کم کرکے 283.38 روپے فی لیٹر کردی گئی تھی۔
ڈیزل کی قیمت میں 15 روپے کمی کی گئی ہے جس کے بعد ڈیزل کی قیمت 318.18 روپے سے کم ہو کر 303.18 روپے ہو گئی ہے۔
لائٹ ڈیزل اور مٹی کے تیل کی قیمتوں میں پچھلی بار کوئی تبدیلی نہیں کی گئی تھی لیکن یکم نومبر کو بھی ان قیمتوں میں تبدیلی دیکھنے کو مل سکتی ہے۔
