پاک فضائیہ کی 14 ملکی فضائی مشق انڈس شیلڈ 2023 پاک فضائیہ کے آپریشنل ایئر بیس پر زورو شور سے جاری ہے۔
پاک فضائیہ کی جانب سے جاری بیان میں کہا گیا ہے کہ یہ مشق خطے کی بڑی فضائی جنگی مشقوں میں سے ایک ہے اور یہ بین الاقوامی تعاون کو بڑھانے کے ساتھ ساتھ اپنی فضائی صلاحیتوں کو بڑھانے کے پاک فضائیہ کے عزم کے حصول میں ایک اہم سنگ میل کے طور پر نشان زد ہے۔
اس مشق میں دنیا کی صف اول کی فضائی افواج کے پائلٹس، گراؤنڈ کریو اور ایئر ڈیفنس کنٹرولرز کے ساتھ لڑاکا طیارے بھی حصہ لے رہے ہیں۔
