کندھ کوٹ: کندھ کوٹ میں راکٹ لانچر کے مارٹر پھٹنے سے بچوں اور ایک خاتون سمیت 9 افراد جاں بحق ہوگئے۔
پولیس کا کہنا ہے کہ کندھ کوٹ کے کچے کے علاقے میں راکٹ لانچر کا مارٹر پھٹا، جس کے نتیجے میں بچوں اور ایک خاتون سمیت 9 افراد جاں بحق ہوگئے۔
لاشوں کو قریبی اسپتال منتقل کردیا گیا ہے، اطلاعات کے مطابق یہ افسوسناک واقعہ گھوڑا گھٹ پولیس اسٹیشن کی حدود میں پیش آیا۔
پولیس نے بتایا کہ ایک خاندان راکٹ لانچر کے مارٹر کو توڑ رہا تھا جو انہیں نامعلوم جگہ سے ملا تھا۔
فیملی مارٹر کو ٹکڑے ٹکڑے کرنے کے بعد مقامی بازار میں فروخت کرنا چاہتی تھی۔
ریسکیو حکام کا کہنا ہے کہ واقعے میں 4 سے زائد افراد زخمی بھی ہوئے ہیں جن کی حالت تشویش ناک ہے، دھماکے کے بعد علاقے میں خوف و ہراس پھیل گیا۔
کندھ کوٹ پولیس اور رینجرز بھی موقع پر پہنچ گئیں اور علاقے کو گھیرے میں لے لیا۔
وزیر اعلیٰ سندھ جسٹس مقبول باقر نے واقعے کا نوٹس لیتے ہوئے صوبائی انسپکٹر جنرل سے رپورٹ طلب کرلی ہے کہ راکٹ لانچر زنگی سبزوائی گوٹھ تک کیسے پہنچا۔
