پاکستان کے فاسٹ بولر شاہین شاہ آفریدی 5 اکتوبر سے بھارت میں شروع ہونے والے آئی سی سی مینز کرکٹ ورلڈ کپ 2023 میں شرکت کے لیے بے تاب ہیں۔
نئی گیند کے ساتھ اپنی مہارت اور بلے بازوں کو شکست دینے کی صلاحیت کی وجہ سے مشہور 23 سالہ کھلاڑی اس میگا ایونٹ کے گرینڈ اسٹیج پر ایک بار پھر اپنی صلاحیتوں کا مظاہرہ کرنے کے لئے تیار ہیں۔
انٹرنیشنل کرکٹ کونسل (آئی سی سی) کی جانب سے جاری کی گئی ویڈیو میں بائیں ہاتھ کے فاسٹ بولر نے آئندہ ٹورنامنٹ کے لیے اپنے جوش و خروش کا اظہار کرتے ہوئے زور دیا کہ محمد نواز کے علاوہ یہ ٹیم کا پہلا دورہ بھارت ہوگا۔
آفریدی اور ان کے ساتھیوں کو امید ہے کہ ہندوستان میں کھیل کے حالات پاکستان، سری لنکا اور متحدہ عرب امارات کی طرح ہوں گے، جس سے وہ تیزی سے خود کو ڈھال سکیں گے۔
انہوں نے کہا کہ محمد نواز کے علاوہ ہم میں سے کوئی بھی ہندوستان نہیں گیا۔ ہم امید کر رہے ہیں کہ پاکستان، سری لنکا اور متحدہ عرب امارات کی طرح ہندوستان میں بھی اسی طرح کے حالات ہوں گے۔
ہمیں امید ہے کہ وکٹوں کے معاملے میں بھی ایسا ہی ہوگا۔ جی ہاں، یہ ہمارا پہلا دورہ ہوگا )ہندوستان کا(، ایک نیا تجربہ اور ایک نئی جگہ, آفریدی نے کہا کہ ہم اپنی بہترین کرکٹ کھیلنے کی پوری کوشش کریں گے۔
شاہد آفریدی نے پاکستان اور بھارت کے درمیان کرکٹ کی عظیم رقابت پر بھی روشنی ڈالی اور کرکٹ کی دنیا میں اس کی اہمیت کو تسلیم کیا۔
انہوں نے ٹورنامنٹ میں نمایاں اثر ڈالنے کی ٹیم کی خواہش کا اظہار کیا اور میدان سے باہر پاکستانی اور بھارتی کرکٹرز کے درمیان مشترکہ دوستانہ تعلقات پر روشنی ڈالی۔
انہوں نے کہا کہ پاک بھارت دشمنی طویل عرصے سے چل رہی ہے، ہم اثر پیدا کرنا چاہتے ہیں, ہمارے ہندوستانی کرکٹرز کے ساتھ بہت اچھے تعلقات ہیں، ہم اپنی کرکٹ سے لطف اندوز ہوتے ہیں, میدان میں صورتحال مختلف ہے لیکن ہم باہر دوست کے طور پر ملتے ہیں، لہذا ہم اسے جاری رکھنے کی کوشش کریں گے۔
پاکستان اور بھارت کے درمیان ورلڈ کپ کا سب سے زیادہ متوقع میچ 14 اکتوبر کو احمد آباد کے نریندر مودی اسٹیڈیم میں کھیلا جائے گا، جہاں ایک لاکھ 32 ہزار تماشائیوں کے جمع ہونے کی توقع ہے۔
