پاکستان کرکٹ ٹیم کے کپتان بابر اعظم نے فاسٹ بولر نسیم شاہ اور حارث رؤف کی صحت یابی کی ٹائم لائن پر روشنی ڈالتے ہوئے مداحوں کو یقین دلایا ہے کہ دونوں کھلاڑیوں کے آئندہ آئی سی سی مینز کرکٹ ورلڈ کپ کے لیے فٹ ہونے کا امکان ہے۔
نسیم اور رؤف دونوں 2023 ایشیا کپ میں بھارت کے خلاف پاکستان کے سپر فور میچ کے دوران زخمی ہوگئے تھے۔
اس کے نتیجے میں انہیں کولمبو میں سری لنکا کے خلاف اہم میچ کے لئے باہر کردیا گیا تھا، جس کی وجہ سے پاکستان جمعرات کو ٹورنامنٹ سے باہر ہوگیا تھا۔
میچ کے بعد پریس کانفرنس سے خطاب کرتے ہوئے بابر اعظم نے دونوں اہم فاسٹ بولرز کی قومی اسکواڈ میں جلد واپسی پر امید کا اظہار کیا۔
تاہم نسیم شاہ کی صحت یابی کے بارے میں بات کرتے ہوئے بابر اعظم نے زیادہ محتاط رویہ اختیار کرتے ہوئے اعتراف کیا کہ ان کے پاس نوجوان فاسٹ بولر کی واپسی کے لیے کوئی ٹائم فریم نہیں ہے۔
بابر اعظم نے کہا کہ حارث رؤف کی انجری بری نہیں ہے، ان کے سائیڈ اسٹرین میں تھوڑا سا تناؤ ہے، لیکن وہ ورلڈ کپ سے پہلے صحت یاب ہو جائیں گے، مجھے نہیں معلوم کہ نسیم شاہ کی صحت یابی میں کتنا وقت لگے گا، میری رائے میں نسیم شاہ بھی بعد میں ورلڈ کپ میں ہوں گے لیکن دیکھتے ہیں۔
واضح رہے کہ ناتجربہ کار جوڑی زمان خان اور شاہنواز دہانی کو اس میچ کے دوران زخمی جوڑی کی جگہ تعینات کیا گیا تھا اور اگر نسیم اور رؤف بروقت صحت یاب نہ ہوئے تو وہ ورلڈ کپ میں کھیلنے کی دوڑ میں شامل ہوسکتے ہیں۔
