لاہور: معروف پاکستانی اداکار و ہدایت کار شمعون عباسی کار حادثے میں زخمی ہوگئے، اپنے مداحوں کو واقعہ کے تفصیلات سے آگاہ کیا۔
اداکار نے اپنے مداحوں سے درخواست کی ہے کہ وہ ان کی جلد صحت یابی کے لیے دعا کریں، انہوں نے سوشل میڈیا کے ذریعے اپنے مداحوں کو حادثے کی اطلاع دی۔
اداکار نے لکھا کہ جب میں ایک کار حادثے کا شکار ہوا تو میرے دانت ٹوٹ گئے تھے، جس کی وجہ سے بہت زیادہ خون بہہ رہا تھا۔
انہوں نے کہا کہ پریشان ہونے کی ضرورت نہیں ہے اور میری جلد صحت یابی کے لئے دعا کرتے رہیں، مداحوں نے ان کی جلد صحت یابی کے لیے نیک خواہشات کا اظہار کیا اور انہیں آرام کرنے کے لیے کہا۔
شمعون عباسی ایک پاکستانی اداکار، ہدایت کار اور اسکرین رائٹر ہیں، جو ولن کے کردار ادا کرنے کے لئے مشہور ہیں۔
