سارہ نے انسٹاگرام پر ایک ریستوراں میں میٹھی ایلیانا فلک کے ساتھ اپنی تصاویر شیئر کیں، ماں اور بیٹی دونوں کو مداحوں کی جانب سے بے حد پسند کیا جاتا ہے۔
ننھی بچی کیلا کھا رہی تھی اور اس کی ماں مشروب سے لطف اندوز ہو رہی تھی، انسٹاگرام کے ہزاروں صارفین نے ان تصاویر کو پسند کیا، انہوں نے اپنے دل کو چھو لینے والے تبصروں سے ماں بیٹی پر پیار کی بارش کی۔
سارہ 10.7 ملین انسٹاگرام فالوورز کے ساتھ سب سے زیادہ فالو کی جانے والی پاکستانی شخصیات میں سے ایک ہیں، وہ ہمیشہ اپنی ذاتی اور پیشہ ورانہ زندگی کی تصاویر اور ویڈیوز شیئر کرکے اپنے مداحوں کو اپ ڈیٹ کرتی رہتی ہیں، ان کی بیٹی الیانا فلک باقاعدگی سے ان پوسٹوں میں نظر آتی ہیں۔
واضح رہے کہ سارہ خان اور فلک شبیر نے جولائی 2020 میں شادی کی تھی، انہوں نے اگلے ہی سال اپنی ایک بچی الیانہ فلک کا استقبال کیا۔
سارہ نے 2012 میں ہم ٹی وی کے سیریل ‘بڑی آپا’ میں معاون کردار کے ساتھ اداکاری کا آغاز کیا تھا، وہ ہم ٹی وی کے ڈرامے سبات میں میرال کے کردار کے لئے مشہور ہیں۔
انہیں رومانوی ڈراما تمہارے ہیں، کالے جادو پر مبنی نذر باد اور بیلاپور کی دیان میں مرکزی کردار ادا کرنے کے لئے وسیع پیمانے پر شہرت ملی۔
