کرکٹ آسٹریلیا (سی اے) نے بگ بیش لیگ (بی بی ایل) کے 44 میچوں کے شیڈول کا اعلان کرتے ہوئے کہا ہے کہ بگ بیش لیگ (بی بی ایل) کے 13 ویں سیزن کے لیے نئے فائنل اسٹرکچر کی تصدیق کردی گئی ہے۔
موسم گرما کے ٹورنامنٹ میں 40 ہوم اینڈ اوے میچز اور چار میچوں کی سیریز کا آغاز 7 دسمبر سے ہوگا جس کا افتتاحی میچ گزشتہ سیزن کی رنر اپ برسبین ہیٹ اور میزبان میلبورن اسٹارز کے درمیان گابا میں کھیلا جائے گا۔
نئے فارمیٹ کے تحت میچوں کو کم کیا گیا ہے اور ونڈو کو محدود کرنے کے لئے فکسچر کو کم کیا گیا ہے۔
بی بی ایل 13 کا اختتام ہفتے کے وسط میں غیر معمولی فائنل میں ہوگا۔ فوکس اسپورٹس کی رپورٹ کے مطابق ٹاپ چار ٹیموں کے ناک آؤٹ مرحلے کے لیے کوالیفائی کرنے سے قبل ہر ٹیم 10 لیگ میچز کھیلے گی۔
اس سے قبل بی بی ایل پلے آف میں مجموعی طور پر پانچ ٹیمیں شامل تھیں جنہوں نے ناک آؤٹ مرحلے میں مجموعی طور پر پانچ میچ کھیلے تھے۔
ٹورنامنٹ کے پہلے سات میچوں کے بعد آسٹریلیا اور پاکستان کے درمیان پرتھ میں کھیلے جانے والے پہلے ٹیسٹ میچ کے لیے 14 سے 18 دسمبر تک پانچ دن کا وقفہ ہوگا۔
باکسنگ ڈے اور نئے سال کے دن دونوں ڈبل ہیڈرز کی میزبانی کریں گے۔
چار میچوں پر مشتمل سیریز کا فیصلہ کن میچ 24 جنوری کو کھیلا جائے گا جس کا فائنل صرف دوسری مرتبہ ہفتے کے وسط میں کھیلا جائے گا۔
بی بی ایل کے جنرل منیجر ایلسٹر ڈوبسن نے 44 میچوں کی سیریز کا اعلان کرتے ہوئے کہا کہ ہم اس سیزن میں بی بی ایل کے شیڈول سے بہت خوش اور پرجوش ہیں۔
پرتھ اسکارچرز گزشتہ سیزن میں ہیٹ کو شکست دے کر پانچواں ٹائٹل جیتنے کے بعد اپنے ٹائٹل کا دفاع کرے گی۔
