جناح ہاؤس حملے کے سلسلے میں قومی فٹ بال ٹیم کی گول کیپر شمائلہ ستار کو حراست میں لے لیا گیا ہے۔
تفتیشی پولیس نے قومی کھلاڑی کو لاہور میں ان کی رہائش گاہ سے گرفتار کیا۔
پولیس کا کہنا ہے کہ شمائلہ ستار 9 مئی کو تحریک انصاف کے سربراہ عمران خان کی گرفتاری کے بعد جناح ہاؤس میں توڑ پھوڑ اور آتش زنی میں ملوث تھیں۔
حتمی جیو فینسنگ لسٹ میں ان کی شناخت کے بعد شمائلہ ستار کو گرفتار کیا گیا اور بعد ازاں جوڈیشل ریمانڈ کے لیے جیل منتقل کردیا گیا۔
پولیس نے ان کے خلاف جناح ہاؤس حملے کا مقدمہ درج کیا ہے جس میں دہشت گردی سمیت مختلف دفعات کے تحت الزامات شامل ہیں۔
