فلم انڈسٹری میں ڈیٹنگ کی افواہیں اور لنک اپ بہت عام ہیں، 2000 کی دہائی میں ناگارجن اکنینی اور تبو سب سے زیادہ مشہور جوڑیوں میں سے ایک تھے۔
تبو مبینہ طور پر 10 سال سے ساؤتھ اسٹار ناگارجن سے محبت کرتی تھیں، یہ ایک ایسے وقت کی بات ہے جب اداکار پہلے سے ہی شادی شدہ تھے اور ان کا بیٹا ناگا چیتنیا تھا۔
ایک انٹرویو میں ناگا چیتنیا سے بالی ووڈ کی مشہور شخصیات کے ساتھ ان کے تعلقات کے بارے میں پوچھا گیا تو انہوں نے تبو کا نام لیا۔
انہوں نے کہا کہ یقینا سب سے زیادہ تعلق عامر صاحب کے ساتھ ہے، اس کے علاوہ تبو کے ساتھ بہت زیادہ تعلق ہے۔
اگرچہ یہ افواہیں 2000 کی دہائی میں سرخیوں میں آئیں، لیکن یہ بات قابل ذکر ہے کہ ناگارجن اور امالا دونوں نے ڈیٹنگ کی افواہوں کی تردید کی تھی۔
اطلاعات کے مطابق تبو مبینہ طور پر 10 سال سے ان سے محبت کرتی تھیں اور ایک ساتھ رہتی تھیں لیکن کبھی شادی کے بندھن میں نہیں بندھگئیں۔
جب تبو نے کافی ود کرن شو میں شرکت کی تو میزبان کرن جوہر نے انہی افواہوں کی بارے میں سوال کیا۔
تبو نے کہا کہ ناگرجنا کی کہانی بہت پرانی ہے، مجھے ہمیشہ تعجب ہوتا ہے کہ ایسا لگتا ہے کہ میڈیا یہ ظاہر کرنا چاہتا ہے کہ میرے بوائے فرینڈ ہوں یا نہ ہوں، بوائے فرینڈ آتے ہیں لیکن، میں نہیں جانتی کہ اس بارے میں کیا کہوں سوائے اس کے کہ وہ میری زندگی کے قریب ترین لوگوں میں سے ایک ہیں۔
ان کا مزید کہنا تھا کہ وہ میرے سب سے اہم رشتوں میں سے ایک ہے، اس کے ساتھ میرا رشتہ مجھے بہت عزیز ہے، اس کے علاوہ، کوئی بھی چیز اس کے ساتھ میرے تعلقات کو کبھی بدل یا تبدیل نہیں کر سکتی ہے، میرے پاس اس کے لئے کوئی لیبل نہیں ہے، میں اس کے بارے میں کچھ نہیں کر سکتی۔
تبو آج سنگل ہیں جبکہ ناگارجن کی شادی امالا اکنینی سے ہوئی ہے، ان کی پہلی بیوی کے ساتھ ناگا چیتنیا، لکشمی دگوبتی اور املا کے ساتھ اکھل تھے۔
ناگا چیتنیا کو آخری بار وینکٹ پربھو کی فلم ‘کیسٹوڈی’ میں دیکھا گیا تھا، جسے ناظرین کی جانب سے اچھے جائزے ملے ہیں، اس فلم میں کرتھی شیٹی اور اروند سوامی نے بھی مرکزی کردار ادا کیے تھے۔
