ٹوئٹر لائیو اسٹریم میں تکنیکی خرابی کی وجہ سے وائٹ ہاؤس کے لیے 2024 کی دوڑ میں شامل رون ڈی سینٹس کو اپنی انٹری کیلئے طویل انتظار کرنا پڑ گیا۔
اس کا مطلب یہ ہوا کہ فلوریڈا کے گورنر کی ریپبلکن صدارتی نامزدگی کی دوڑ 20 منٹ تاخیر سے شروع ہوئی۔
انہوں نے اس تقریب کو اپنی قدامت پسند ساکھ، لاک ڈاؤن مخالف موقف اور تعلیمی اصلاحات کے لیے استعمال کیا۔
ان کا کہنا تھا کہ میں امریکہ کے صدارتی انتخابات میں حصہ لے رہا ہوں تاکہ ہماری عظیم امریکی واپسی کی قیادت کر سکوں۔
فلوریڈا کے گورنر کو 2024 کے عام انتخابات میں سابق صدر ڈونلڈ ٹرمپ کی پارٹی کے امیدوار کے طور پر دیکھا جاتا ہے۔
ڈی سانٹس امریکی سیاست میں نئے آنے والے ہیں اور 2012 میں پہلی بار ایوان نمائندگان کے رکن منتخب ہوئے تھے، صرف چھ سال بعد 2018 میں سینیٹر بننے کی ناکام کوشش کے بعد وہ فلوریڈا کے گورنر منتخب ہوئے۔
انہوں نے ہائی پروفائل قوانین کے نفاذ کی نگرانی کی ہے جو بندوق رکھنے کو آسان بناتے ہیں، اسکولوں میں جنسی اور صنفی شناخت کی تعلیم کو محدود کرتے ہیں، اور اسقاط حمل تک رسائی کو محدود کرتے ہیں۔
انھوں نے دعویٰ کیا ہے کہ یہ فلوریڈا بلیو پرنٹ وفاقی پالیسیوں کے لیے رہنمائی کا کام کر سکتا ہے، جو امریکہ کو انتہائی قدامت پسند سمت میں لے جائے گی۔
