کانز فلم فیسٹیول 2023 کا آغاز 16 مئی سے ہوا ہے اور اس میں پہلے ہی بھارت کی چند بڑی اور ذہین ترین شخصیات شریک ہو چکی ہیں۔
رواں سال کانز میں ڈیبیو کرنے والی سارہ علی خان اور کانز کی تجربہ کار اداکارہ ایشوریہ رائے کے ریڈ کارپٹ ملبوسات کی وجہ سے توجہ حاصل کرنے کے بعد اداکارہ ڈیانا پینٹی کانز فلم فیسٹیول 2023 میں اپنی پہچان بنانے والی تازہ ترین بھارتی شخصیت بن گئی ہیں۔
ان کے گلیمرس فرسٹ لک کو اب تک تمام دیسی مشہور شخصیات میں ‘بہترین’ کے طور پر سراہا جا رہا ہے۔
ڈیانا نے سنیچر کو کانز 2023 سے اپنی تازہ تصاویر شیئر کیں، جس میں وہ ڈیزائنر جوڑی فالگنی اور شین پیکوک کی کروپ ٹاپ اور میچنگ اسکرٹ میں سجی ہوئی ہیں۔
انہوں نے اپنے کیپشن میں لکھا ، یہ سب چمکتا ہے، ڈیانا نے سرخ اور نیلے پتھروں سے مزین ایک چمکدار برہنہ لباس پہنا ہوا تھا۔
جمعرات کے روز کانز سے تعلق رکھنے والی ایشوریا رائے سوفی کوٹیور کے شاندار سلور گاؤن میں ریڈ کارپٹ پر پہنچی تھیں، جہاں بہت سے لوگوں نے ان کے بولڈ ہوڈ لباس کو حیرت سے دیکھا، وہیں دوسروں نے میمز اور لطیفوں کے ساتھ ان کے ریڈ کارپٹ روپ کا مذاق اڑایا۔
سارہ نے کانز 2023 کے ریڈ کارپٹ پر اپنی پہلی نمائش کے لئے بھاری لہنگا پہن کر بھی توجہ حاصل کی، مانوشی چھلر، اروشی روتیلا اور ایشا گپتا نے بھی اس سال کانز کے ریڈ کارپٹ پر واک کی تھی۔
