امیتابھ بچن، پربھاس اور دپیکا پڈوکون کی آنے والی فلم ‘پروجیکٹ کے’ کی ریلیز ملتوی کردی گئی ہے۔
واضح رہے کہ چند روز قبل امیتابھ بچن پروجیکٹ ‘کے’ کے ایکشن سیکوئنس کی شوٹنگ کے دوران زخمی ہوگئے تھے، اس کی پسلی اور پیر کی انگلی پر چوٹیں آئیں، اداکار اب صحت یابی کے عمل سے گزر رہے ہیں۔
تاہم ، پروجیکٹ کے کے میکرز ان پر فوری طور پر کام دوبارہ شروع کرنے کے لئے دباؤ نہیں ڈال رہے ہیں، بلکہ وہ بگ بی کے مکمل طور پر صحت یاب ہونے کا انتظار کر رہے ہیں۔
یہی وجہ ہے کہ ناگ اشون کی ہدایت کاری میں بننے والے پروجیکٹ کی شوٹنگ غیر معینہ مدت کے لیے ملتوی کردی گئی ہے۔
ٹائمز آف انڈیا کی رپورٹ کے مطابق، ابھی تک یہ واضح نہیں ہے کہ امیتابھ بچن کو معمول کی شوٹنگ دوبارہ شروع کرنے میں کتنا وقت لگے گا، اور ہدایت کار (ناگ اشون) اور پروڈیوسر (ویجینتی موویز) کو کوئی جلدی نہیں ہے۔
وہ بچن صاحب پر شوٹنگ دوبارہ شروع کرنے کے لئے کوئی دباؤ نہیں ڈال رہے ہیں، وہ اس وقت تک انتظار کریں گے جب تک اس میں وقت لگے گا۔ لیکن اب اس بات کا امکان نہیں ہے کہ پروجیکٹ کے جنوری 2024 میں ریلیز کی تاریخ بنائے گا۔
رپورٹس کے مطابق پربھاس اور دپیکا نے اپنے پروجیکٹ ‘کے’ کی تاریخوں میں تبدیلی کی ہے کیونکہ وہ تجربہ کار اداکار کی صحت یابی کا انتظار کر رہے ہیں۔
انڈیا ٹوڈے کی رپورٹ کے مطابق ، پربھاس کے ساتھ دپیکا پڈوکون کی پہلی آن اسکرین شراکت ہے۔
