اداکارہ سونم کپور بالی ووڈ کی واحد اداکارہ بن گئی ہیں، جنہیں کنگ چارلس تھری کی تاج پوشی میں مدعو کیا گیا ہے، تقریب کل (6 مئی) کو ہوگی۔
شاہی خاندان کی اس پروقار تقریب میں دنیا بھر سے معزز شخصیات کو مدعو کیا گیا ہے، کیونکہ شاہ چارلس سوم ہفتے کے روز باضابطہ طور پر ولی عہد کا حلف اٹھائیں گے۔
غیر ملکی میڈیا رپورٹس کے مطابق تاج پوشی کی تقریب میں 2 ہزار سے زائد افراد کو مدعو کیا گیا ہے، جن میں پاکستان کے نمائندہ وزیراعظم شہباز شریف بھی شامل ہیں۔
کنگ چارلس کی تاج پوشی کی تقریب میں سونم کپور واحد بالی ووڈ اداکارہ بن گئی ہیں، جنہیں شرکت کی دعوت دی گئی تھی۔
دوسری جانب سونم کپور کو شاہی تقریب میں مدعو کیے جانے پر کافی ٹرولنگ اور طنز کا سامنا کرنا پڑ رہا ہے۔
بھارتی میڈیا اور رائے عامہ نے حیرانی کا اظہار کیا کہ سونم نے بالی ووڈ میں کچھ خاص نہیں کیا، لیکن پھر بھی انہیں مدعو کیا گیا، یہ کیسے ممکن ہوا؟ انہیں بھارت کی بڑی تقریبات میں بھی مدعو نہیں کیا جاتا ہے۔
اطلاعات ہیں کہ سونم کپور نہ صرف تقریب میں شرکت کریں گی بلکہ وہاں پرفارم بھی کریں گی۔
