راولپنڈی: پاکستان اور نیوزی لینڈ کے درمیان پانچ ون ڈے میچوں کی سیریز کا دوسرا میچ آج راولپنڈی سٹیڈیم میں کھیلا جائے گا۔
دونوں ٹیموں کے درمیان ڈے اینڈ نائٹ میچ پاکستان کے معیاری وقت کے مطابق سہ پہر ساڑھے تین بجے شروع ہوگا۔
قومی ٹیم اس وقت نیوزی لینڈ کے خلاف پانچ میچوں کی سیریز میں 1-0 سے آگے ہے، پاکستان نے کیویز کے خلاف پہلا میچ پانچ وکٹوں سے جیتا تھا۔
ذرائع کے مطابق دوسرے ون ڈے کیلئے قومی اسکواڈ میں ایک یا دو تبدیلیوں کا امکان ہے کیونکہ اسپنر شاداب خان کی جگہ اسامہ میر کو ٹیم میں شامل کیا جاسکتا ہے۔
واضح رہے کہ دونوں ٹیموں کے درمیان سیریز کا تیسرا میچ 3 مئی، چوتھا میچ 5 مئی اور پانچواں اور آخری میچ 7 مئی کو کھیلا جائے گا، سیریز کے آخری تین میچ کراچی کے نیشنل اسٹیڈیم میں کھیلے جائیں گے۔
