سعودی عرب میں مسجد الحرام میں خانہ کعبہ کے قریب احرام میں ملبوس عمرہ زائرین کی تصویر سوشل میڈیا پر وائرل ہوگئی ہے۔
العربیہ نیٹ کے مطابق سعودی فوٹوگرافر عبدالرحمٰن السہلی نے یہ تصاویر سوشل میڈیا پر شیئر کی ہیں۔
سعودی فوٹوگرافر کا کہنا ہے کہ انہوں نے نماز عصر کی ادائیگی کے دوران زائرین کی ایک تصویر کھینچی، جس میں نمازی سیسے سے ڈھکی دیوار کی طرح دکھائی دے رہے تھے۔
تمام عمرہ زائرین سجدہ اور احرام میں ہیں، صارفین نے اس دلکش منظر کو پسند کرتے ہوئے کہا کہ زائرین سجدے کے دوران بکھرے ہوئے سفید موتیوں کی طرح نظر آتے ہیں۔
کچھ صارفین کا کہنا تھا کہ تصاویر دیکھ کر روحانی سکون محسوس ہوتا ہے۔
