عمر رسیدہ شخص نے مہارت سے گیند پھینک کر شعیب اختر کو متاثر کردیا

لاہور: کھیلوں میں عمر کی کوئی حد نہیں ہوتی اور خیبر پختونخوا سے تعلق رکھنے والے ایک معمر شخص نے ایک وائرل ویڈیو میں گیند سے اپنی صلاحیتوں کا مظاہرہ کرکے یہ ثابت کر دیا ہے۔

Aray wah.
100 mph at 100 😀
I'd love to meet him. Dhoond k layen koi. pic.twitter.com/pr5Tjgg0rd

— Shoaib Akhtar (@shoaib100mph) April 10, 2023

تیز ترین گیند دینے کا ریکارڈ رکھنے والے پاکستان کے سابق فاسٹ بولر شعیب اختر نے ٹوئٹر پر معمر شخص کی ویڈیو شیئر کی ہے۔

مذہبی ٹوپی پہنے سفید داڑھی والے معمر شخص کو پہاڑوں سے گھرے علاقے میں دوڑتے ہوئے دیکھا جا سکتا ہے, جس کے بعد وہ متاثر کن ایکشن کے ساتھ گیند پھینکتے ہیں۔

اس انداز نے راولپنڈی ایکسپریس کو متاثر کیا, کیونکہ وہ ان سے ملنے کے لئے بے چین ہیں۔

انہوں نے ویڈیو کے کیپشن میں لکھا کہ ”ارے واہ” میں ان سے ملنا پسند کروں گا، کوئی اسے تلاش کرے۔

ٹوئٹر صارفین معمر شخص کی بولنگ پر بھی حیران ہیں، کچھ نے ان کے ایکشن کا موازنہ شعیب اختر سے کیا۔