سری لنکا نے نیوزی لینڈ کو پہلے ٹی ٹوئنٹی میچ میں سپر اوور کے ذریعے شکست دے کر تین میچوں کی سیریز میں 1-0 کی برتری حاصل کر لی ہے۔
مہمان ٹیم نے سپر اوور میں جیت کے لیے درکار نو رنز کا تعاقب کیا، جب اسلانکا نے ایڈم ملن کی گیند پر چھکا اور ایک چوکا لگایا جبکہ مہیش تھیکشانا کی سخت باؤلنگ نے نیوزی لینڈ کو روک دیا۔
مین آف دی میچ اسلانکا نے کہا کہ یہ بہت دلچسپ تھا، دو ٹیمیں بہت اچھا کھیل رہی تھیں، لیکن آج ہمارا دن تھا.
گزشتہ ٹیسٹ اور ون ڈے سیریز میں 2-0 کے فرق سے شکست کھانے والی سری لنکا کی ٹیم نے اس سے قبل 5 وکٹوں کے نقصان پر 196 رنز بنائے تھے جس میں اسلانکا نے 41 گیندوں پر 67 اور کوشل پریرا نے ناقابل شکست 53 رنز بنائے تھے۔
میزبان ٹیم نے ڈیرل مچل کے 66 اور مارک چیپمین کے 33 رنز کی اننگز کھیلی جس کے بعد راچن رویندر نے 13 گیندوں پر 26 رنز کی شاندار اننگز کھیلکر ٹیم کو ہدف کے قریب پہنچا دیا۔
اس کے بعد ایش سوڈھی نے آخری گیند پر چھکا لگا کر اسکور برابر کیا اور سپر اوور قائم کیا لیکن نیوزی لینڈ نے ٹائی بریکر میں دو وکٹیں گنوا دیں جس سے مضبوط اسکور بنانے کے امکانات متاثر ہوئے۔
