سسیکس کے ہیڈ کوچ پال فاربریس نے کہا ہے کہ انگلینڈ کے فاسٹ بولر جوفرا آرچر کے آسٹریلیا کے خلاف ایشز سیریز سے قبل ریڈ بال میچ کھیلنے کا امکان نہیں ہے۔
ایشز سیریز 2019 میں انگلینڈ کی جانب سے 22 وکٹیں حاصل کرنے والے آرچر نے کوہنی اور کمر کی انجری کی وجہ سے فروری 2021 سے کوئی ٹیسٹ نہیں کھیلا ہے۔
ستائیس سالہ فاسٹ بولر نے جنوری کے اواخر میں 17 ماہ باہر رہنے کے بعد واپسی کی تھی اور وہ جمعہ سے شروع ہونے والے انڈین پریمیئر لیگ ٹی 20 ٹورنامنٹ میں ممبئی کی طرف سے کھیلیں گے، لیکن کاؤنٹی چیمپیئن شپ میں سسیکس کی جانب سے نہیں کھیلیں گے۔
فربریس نے جمعرات کو برطانوی میڈیا سے بات کرتے ہوئے کہا کہ میرے خیال میں تمام چیزیں برابر ہونے کی وجہ سے وہ آئی پی ایل کے بعد براہ راست ایشز میں جائیں گے۔
مجھے لگتا ہے کہ ان کا منصوبہ یہ ہے کہ آئی پی ایل میچوں کے درمیان وہ اپنے اوورز کو بہتر بنانے کے لئے کچھ لمبے اسپیل باؤلنگ کریں گے اور اس بات کو یقینی بنائیں گے کہ وہ میچ کے لئے تیار ہیں۔
