پاکستان کرکٹ بورڈ نے انٹر ریجن انڈر 13 اور انٹر ریجن انڈر 16 ون ڈے ٹورنامنٹس 2022-23 کے سہ رخی مرحلے کی تفصیلات کا اعلان کردیا۔
کراچی، لاہور اور پشاور ریجنز 30 اوورز پر مشتمل انڈر 13 ٹورنامنٹ کے سہ رخی مرحلے میں مدمقابل ہوں گے، جو 29 اپریل سے شروع ہوگا۔
50 اوورز کے انڈر 16 ٹورنامنٹ میں فاٹا، کراچی اور لاہور ریجنز 30 اپریل سے شروع ہونے والے سہ رخی مرحلے میں مدمقابل ہوں گے۔
انڈر 13 اور انڈر 16 ٹورنامنٹس میں سہ رخی مرحلے کی ٹاپ دو ٹیمیں بالترتیب 5 اور 6 مئی کو فائنل میں مدمقابل ہوں گی۔
انٹر ریجن انڈر 13 ون ڈے ٹورنامنٹ کے سہ رخی مرحلے میں لاہور ریجن کا مقابلہ 29 اپریل کو پشاور ریجن سے ہوگا۔
یکم مئی کو کراچی ریجن کا مقابلہ پشاور ریجن سے ہوگا، جبکہ 3 مئی کو کراچی ریجن کا مقابلہ لاہور ریجن سے ہوگا۔
دونوں ٹیموں کے درمیان فائنل سمیت تمام میچز فیصل آباد کے ڈویژنل پبلک اسکول میں کھیلے جائیں گے۔
