شارجہ:افغانستان نے پاکستان کو 7 وکٹوں سے شکست دے کر ٹی ٹوئنٹی سیریز جیت لی۔
راشد خان کی قیادت والی ٹیم نے شاندار کارکردگی کا مظاہرہ کرتے ہوئے دوسرا ٹی ٹونٹی میچ آسانی سے جیت لیا۔
اس سے قبل پاکستان نے افغانستان کے خلاف ٹاس جیت کر پہلے بیٹنگ کا فیصلہ کیا اور ٹیم میں ایک تبدیلی کرتے ہوئے فہیم اشرف کی جگہ محمد نواز کو شامل کیا۔
پاکستان کا ٹاپ آرڈر اور مڈل آرڈر پہلے میچ میں متاثر کرنے میں ناکام رہا اور انہوں نے 9 وکٹوں کے نقصان پر صرف 92 رنز بنائے، لیکن وہ دوسرے میچ میں بھی بہتر کارکردگی کی تلاش میں تھے۔
افغانستان نے پہلے چار اوورز میں 30 رنز بنائے، لیکن پھر زمان خان نے عثمان غنی کو 7 رنز پر آؤٹ کر دیا۔
پاکستان کی بیٹنگ کا مسئلہ پہلے میچ کی طرح جاری رہا اور صائم ایوب ڈک پر آؤٹ ہو گئے۔
عبداللہ شفیق ایک بار پھر ڈک پر آؤٹ ہوئے اور مسلسل چار ٹی ٹونٹی انٹرنیشنل میچوں میں ڈک پر آؤٹ ہونے والے پہلے کھلاڑی بن گئے۔
