یامی گوتم اور سنی کوشل کی تھرلر فلم “چور نکل کے بھاگا” کل نیٹ فلکس پر ریلیز کی جائے گی، جس کے نیا پوسٹر جاری کردیا گیا ہے۔
اداکارہ یامی گوتم نے اپنی آخری فلم ‘لوسٹ’ سے مداحوں کو متاثر کرنے کے بعد ایک اور دلچسپ کہانی ‘چور نکل کے بھاگا’ کے اسکرین پر نظر آئیں گی۔
آنے والی تھرلر فلم میں یامی سنی کوشل کے ساتھ اسکرین اسپیس شیئر کرتی نظر آئیں گی، اداکارہ نے ریلیز تاریخ کے ساتھ آج پوسٹر شیئر کرکے مداحوں کے تجسس میں اضافہ کیا۔
پوسٹر شیئر کرنے کے علاوہ اداکارہ نے انکشاف کیا ہے کہ آنے والا پروجیکٹ 24 مارچ کو بڑے اسٹریمنگ پلیٹ فارم نیٹ فلکس پر جاری کیا جائے گا۔
یامی گوتم کی حال ہی میں ریلیز ہونے والی فلم ‘لوسٹ’ سچے واقعات پر مبنی ایک تحقیقاتی تھرلر فلم ہے۔
