فیڈریشن انٹرنیشنل فٹ بال ایسوسی ایشن‘ (فیفا) کے عالمی ورلڈ کپ 2022 کا آفیشل گانا ’لائٹ دی اسکائے‘ ریلیز کردیا گیا۔
سوا چار منٹ کے دورانیے پر مبنی گانے کی ویڈیو میں مراکشی نژاد بولی وڈ ڈانسر نورا فتیحی، اماراتی گلوکارہ و ڈانسر بلقیس، عراقی گلوکارہ و ڈانسر رحمہ ریاض اور ڈانسر منال کو پرفارمنس کرتے ہوئے دکھایا گیا ہے۔
انگریزی زبان میں جاری کیے گئے گانے میں عربی سمیت اردو زبان کے جملےبھی شامل کیے گئے ہیں اور ڈانسرز کو فٹ بال اسٹیڈیم سمیت دیگر جگہوں پر پرفارمنس کرتے ہوئے دکھایا گیا ہے۔
گانے میں نورا فتیحی کے علاوہ دیگر عرب ڈانسرز و گلوکاراؤں نے بھی دل کو موہ لینے والی پرفارمنس کی ہے، جس کی دنیا بھر کے شائقین نے تعریفیں کیں۔
