ورلڈ کپ 2023 میں پاکستان اور بھارت کے درمیان میچ 15 اکتوبر کو احمد آباد کے نریندر مودی اسٹیڈیم میں کھیلا جائے گا۔
سارو گنگولی نے اسٹار اسپورٹس پر ایک مباحثے میں روایتی حریفوں کے درمیان طویل عرصے سے انتظار کیے جانے والے میچ پر اپنے خیالات کا اظہار کیا۔
سارو گنگولی نے کہا کہ اگرچہ ہندوستان اور پاکستان کے میچ کے بارے میں بہت زیادہ تشہیر کی جارہی ہے، لیکن ہندوستان کی غالب کارکردگی کی وجہ سے حالیہ دنوں میں دونوں ٹیموں کے مابین مقابلے کے معیار میں کمی آئی ہے۔
انہوں نے کہا کہ اس میچ میں بہت زیادہ تشہیر کی جارہی ہے لیکن معیار طویل عرصے سے اتنا اچھا نہیں رہا کیونکہ ہندوستان یکطرفہ طور پر جیتتا رہا، پاکستان نے دبئی میں ٹی 20 ورلڈ کپ میں شاید پہلی بار ہندوستان کو شکست دی۔
انہوں نے کہا کہ بھارت نے اس ٹورنامنٹ میں اچھا نہیں کھیلا تھا لیکن میرے مطابق ورلڈ کپ میں ہندوستان اور آسٹریلیا کے درمیان میچ بہتر ہوگا کیونکہ معیار بہتر ہے۔
