واٹس ایپ اپنی ایپلی کیشن ونڈوز صارفین کے لیے ایک نیا ‘ملٹی سلیکشن’ فیچر متعارف کرانے کی تیاری کر رہی ہے، جس سے انہیں ہموار اور زیادہ موثر تجربے کا وعدہ کیا گیا ہے۔
ویبیٹا انفو کے مطابق آنے والا فیچر صارفین کو ایک ہی گفتگو سے متعدد پیغامات منتخب کرنے کی سہولت دے گا، جس سے انہیں یا تو حذف کرنے یا کسی اور چیٹ میں فارورڈ کرنے کا اختیار ملے گا۔
اس فیچر کو استعمال کرنے کے لیے صارفین مطلوبہ میسج پر لانگ پریس کر سکتے ہیں اور سلیکشن آپشن پر ٹیپ کر سکتے ہیں۔
اس کے علاوہ، صارفین بات چیت کے اندر کہیں بھی کلک کرسکتے ہیں اور پھر پیغامات منتخب کریں کا آپشن ظاہر ہوگا۔
یہ خصوصیت چیٹ کے اندر انتخاب میں متن کے خودکار اضافے کی بھی اجازت دیتی ہے، جسے بعد میں حذف کیا جاسکتا ہے، پسندیدہ میں شامل کیا جاسکتا ہے یا کاپی کیا جاسکتا ہے۔
گزشتہ چند گھنٹوں میں واٹس ایپ نے 21 نئے ایموجیز متعارف کرائے ہیں جن کو آنے والے دنوں میں تمام صارفین کے لیے متعارف کرانے کا منصوبہ ہے۔
یہ نئے آئیکون انہیں دوسری ایپلی کیشنز پر تلاش کرنے یا فون پر اضافی پروگرام ڈاؤن لوڈ کرنے کی ضرورت کو ختم کرتے ہیں۔
ونڈوز 2.2309.2.0 اپ ڈیٹ کے لئے واٹس ایپ بیٹا انسٹال کرنے کے بعد بیٹا ٹیسٹرز کو متعدد پیغامات منتخب کرنے کی صلاحیت جاری کردی گئی ہے۔
فروری میں بتایا گیا تھا کہ میسجنگ ایپ اپنے ونڈوز بیٹا ورژن میں "کال لنک” کے نام سے ایک نیا فیچر متعارف کرا رہی ہے۔
یہ نیا فیچر صارفین کو کال میں شامل ہونے کے لیے لنک تیار کرنے کے قابل بناتا ہے۔
