اسرائیل کی جانب سے غزہ کی مکمل ناکہ بندی کے اعلان کے چند روز بعد اقوام متحدہ کے سربراہ نے ایکس پر کہا کہ غزہ میں خوراک اور پانی سمیت انسانی امداد کی فراہمی کی اجازت دی جانی چاہیے۔
انہوں نے کہا کہ غزہ میں ایندھن، خوراک اور پانی سمیت زندگی بچانے والی اہم اشیا کی اجازت دی جانی چاہیے۔
اقوام متحدہ کے سربراہ نے ایکس پر لکھا کہ ہمیں اب فوری اور بلا روک ٹوک انسانی امداد تک رسائی کی ضرورت ہے۔
اسرائیلی فوج کا کہنا ہے کہ حماس کے جنگجوؤں کی جانب سے ہفتے کے اختتام پر غزہ پر کیے جانے والے حملے کے جواب میں اسرائیلی لڑاکا طیاروں نے غزہ کے اہداف پر کئی روز تک بمباری کی، جنہوں نے علاقے کو گھیرے میں لینے والی سرحدی باڑ کو توڑ ا اور قصبوں اور دیہاتوں میں توڑ پھوڑ کی، جس میں 1200 افراد ہلاک، 2700 سے زائد زخمی اور متعدد کو یرغمال بنا لیا گیا۔
Crucial life-saving supplies – including fuel, food and water — must be allowed into Gaza.
We need rapid and unimpeded humanitarian access now.
— António Guterres (@antonioguterres) October 11, 2023دریں اثنا فلسطینی میڈیا نے غزہ کی وزارت صحت کے حوالے سے بتایا ہے کہ غزہ میں ہلاکتوں کی تعداد 1200 تک پہنچ گئی ہے جبکہ 5600 کے قریب زخمی ہوئے ہیں۔
بدھ کے روز امریکہ میں یہودی برادری سے خطاب کرتے ہوئے صدر جو بائیڈن نے اسرائیل اور حماس کے تنازعے کی ہولناکیوں کو واضح طور پر بیان کیا۔ جب انہوں نے یہ دعویٰ کیا کہ وہ تصدیق شدہ تصاویر کی بنیاد پر یقین رکھتے ہیں تو وائٹ ہاؤس کو اپنے بیانات واپس لینے پر مجبور ہونا پڑا۔
Clarification from the White House regarding Biden's remarks https://t.co/8fXafd5Bpn https://t.co/zsEf93bH0g pic.twitter.com/N7ci2jHXf2
— Evan Hill (@evanhill) October 12, 2023حماس کے ساتھ تنازع اور امریکی یرغمالیوں کی رہائی کی کوششوں کے دوران اپنی انتظامیہ کی جانب سے اسرائیل کی حمایت کے حوالے سے اپنے وسیع بیانات میں بائیڈن نے کہا کہ میں نے کبھی نہیں سوچا تھا کہ میں بچوں کے سر قلم کرنے والے دہشت گردوں کی تصاویر دیکھوں گا اور اس کی تصدیق کروں گا۔
وائٹ ہاؤس کے حکام کے مطابق بائیڈن اسرائیل کی جانب سے بچوں کے قتل کے الزامات کی طرف اشارہ کر رہے تھے، انہوں نے کئی میڈیا رپورٹس کا حوالہ دیا جن میں بچوں کے سر قلم کیے جانے کا حوالہ دیا گیا تھا۔
