لاہور: پاکستانی شوبز ستارے یوم آزادی بڑے جوش و خروش سے منا رہے ہیں، شان شاہد نے کہا ہے کہ اے وطن جیسے بھی ہیں تیرے ہیں۔
پاکستان کا 76 واں یوم آزادی تمام تر سیاسی اور معاشی بحرانوں کے باوجود ملک بھر میں بڑے جوش و خروش سے منایا جا رہا ہے۔
شوبز انڈسٹری کے ستاروں نے سوشل میڈیا پر پوری قوم کو یوم آزادی کی مبارکباد دی، سپر اسٹار ہمایوں سعید، عائزہ خان، مایا علی، شان شاہد اور دیگر نے اس دن کو دلی الفاظ اور نیک خواہشات کے ساتھ منایا۔
سماجی رابطے کی ویب سائٹ ٹوئٹر پر معروف اداکار ہمایوں سعید نے اپنے مداحوں کو یوم آزادی کی مبارکباد دی۔
ہمایوں نے لکھا کہ پاکستان زندہ باد، یوم آزادی مبارک ہو، اللہ تعالیٰ ہمارے پیارے پاکستان کو طاقت سے نوازے اور ہماری قوم کو ایسی خصوصیات سے نوازے جو ترقی اور خوشحالی کا باعث بنیں۔
لالی ووڈ کے ایک اور اسٹار شان شاہد نے بھی اپنے مداحوں کو یوم آزادی کی مبارکباد دی، انہوں نے کہا کہ ہم ہر حال میں اس ملک سے تعلق رکھتے ہیں۔
قوم کو یوم آزادی مبارک ہو۔ اللہ تعالیٰ ہمارے مادر وطن کو خوشحالی سے نوازے۔ پاکستانی ہونے پر فخر ہے.. شان نے اپنے سوشل میڈیا اکاؤنٹ پر لکھا کہ "اے وطن جیسے بھی ہیں تیرے ہیں.
